Übersetzung "Cloelia Virgo" gesucht!

Zitat:
>>Cloelia Virgo

Cornelia: "Satis narravisti, Demetri, de Rhea Silvia necata, de puellis raptatis, de Lucretia violata.

Nonne aliae feminae fuerunt, quibus non tam miserum erat fatum quam iis feminis." Demetrius: "Bene rogas. Titum Livium iam commemoravi. Is scriptor celeber amicus meus est. Multos mihi libros donavit, in quibus etiam facinora audacia mulierum fortium memorat. Valde celebris est Cloelia, virgo Romana, ingenti virtute. Facinus celebre eius virginis nunc vobis narrabo:
Tarquinius Superbus, qui cum suis a Romanis fugatus erat, a Porsenna, Etruscorum rege forti et prudenti, adiutus est. Qui cum multis Etruscis Romam oppugnavit. Brevi tempore Roma armis acribus circumdata erat. Deinde Porsenna Romanos obsides dare iussit: `Nisi sine mora Etruscis a Romanis obsides dati erunt, Romam expugnabimus." Verbis acribus Porsennae Romani valde territi sunt. Multae virgines regi Etruscorum obsides datae sunt. Una ex obsidibus Cloelia fuit. Ea audaci animo Etruscos frustravit et dux agminis virginum fuit, quae Tiberim tranaverunt. Quod ubi regi nuntiatum est, ira incensus Romanos iussit Cloeliam in castra sua reportare. Romani, qui ingentem iram regis timuerunt, pauerunt. Porsenna autem, non iam ira motus, virtutem virginis laudavit et eam libertate donavit. Romani autem, ut Livius narrat, novam in femina virtutem novo genere honoris, statua equestri, donaverunt.` Eam statuam in Sacra Via vidistis."<<